Kur timoni përcakton jetën e tjetrit

0
15

Çdo ditë dëgjojmë me dhjetëra aksidente prej më të ndryshmeve.
Rasti i fundit është ky i kësaj gruaje që na preki të gjithëve, e cila me gëzim pritej të bëhej nënë, por pakujdesia e shoferit ia ndryshoi jetën, ia mori frytin si dhe ia rrezikoj jetën nënës së ardhshme.
Mërzi e madhe e prindërve të motrës në fjalë, si dhe e burrit që ka prit me padurim të marrë titullin “babë”, por ja që pakujdesia gëzimin ia shndërroi në mërzi. Allahu i forcoftë e ua lehtësoftë gjendjen.

Vozitës i dashur, kujdes në vozitje e mos e dërgo veten tënde në shkatërrim, po edhe mos ia shkatërro jetën tjetrit.
Thotë Allahu në Kur’an: “Mos e çoni veten tuaj në shkatërrim…”
Pakujdesia po na sjell pasoja, dëme materiale, por edhe trupore si thyerje të gjymtyrëve, paralizë, bile edhe deri në fatalitet – vdekje.
Si ka mundësi zemra, shpirti yt të qetësohet si vozitës, ku trupi i atij të lënduarit nuk ka mundësi të pushojë nga dhimbjet e marra apo vdes, apo nëse mbetet i paralizuar tërë jetën, mundimet që i ka ky dhe familjarët në shërbim të tij?!

Dije se ti që je bërë shkaktar do të jesh me dhimbje shpirtërore deri në vdekje.
Allahu ua lehtësoftë dhimbjet këtyre të aksidentuarve, e neve na përmirësoftë e inshaAllah vetëdijesohemi në vozitje.

Hoxhë Bashkim Bajrami