Policia gjermane ka kapur një rrjet tregtarësh të heroinës që vepronte në Gjermani dhe në Zvicër. Pjesëtarët e bandës nga Shqipëria, Kosova dhe Gjermania, sipas policisë, gjatë dy vjetëve të fundit kanë bërë një qarkullim prej së paku 1.2 milion eurove nga tregtia ilegale me narkotikë.
Gjashtë veta tashmë ndodhen në burg në Gjermani ndërsa ndaj të shtatit është shpallur fletarresti në Zvicër, raportojnë mediat gjermane, transmeton albinfo.
Me rastin e bastisjeve që janë bërë në shtëpitë e të dyshuarve në Rheinfelden, janë gjetur dhe konfiskuar 50 mijë euro, pastaj një sasi droge, si dhe një revole e mbushur me municion. Po ashtu, janë konfiskuar edhe tri automjete të kushtueshme, që u janë gjetur të dyshuarve. kohaislame
