13.7 C
Pristina
Thursday, March 28, 2024

Iu bllokuan mushkërinë nga kikirikët, shpëtohet fëmija në Kosovë

Më të lexuarat

Mjekët në QKUK-së në Kosovë kanë shpëtuar një fëmijë, i cili ishte në rrezik për jetën për shkak se disa kikirikë i kishin bllokuar tërësisht mushkërinë e djathtë. Drejtori i Otorinolaringologjisë, Hajdin Thaçi, së bashkë me ekipin mjekësor kanë ndërhyrë urgjentisht dhe për dhjetë minuta kryen të gjitha veprimet duke i hequr fëmijës pjesët e kikirikëve.

“Bronku i djathtë ka qenë i tëri i bllokuar, fëmija ka marrë frymë vetëm me anën e majtë. Në këtë rast, mushkëria e djathtë ka qenë tërësisht e bllokuar dhe ne në fakt kemi filluar tërheqjen një nga një të copëzave të kikirikut. Ka qenë një nga përmasat e mëdha të kikirikut, e cila e kishte bllokuar në tërësi bronkun, është dashur të thyhet dhe në e kemi heq në tërësi, kështu që fëmija menjëherë është ndjerë më mirë”, tha ai.

Ai tha ndër të tjera se në QKUK nuk ka ndërruar jetë asnjë fëmijë gjatë kohës që i janë nënshtruar ndërhyrjeve në trup deri tani. Klinika e Otorinolaringologjisë ka ofruar shërbime për të gjitha qytetet e Kosovës, përfshirë edhe një pjesë të mirë prej qyteteve të Shqipërisë./tg

- Advertisement -spot_img

Më tepër

Të fundit