Interi është eliminuar nga Liga e Evropës.
Klubi nga Milano është mposhtur 3 me 2 nga Hapoel Beer Shevan, për të mbyllur aventurën e sivjetme në garat evropiane qysh në fazën e parë.
Icardi dhe Brozoviq realizuan dy golat për Interin në pjesën e parë, ndërsa Maranhao dhe Nwakaeme barazuan rezultatin në pjesën e dytë, para se Sahar në minutat shtesë t’i jepte fund ëndrrës së Interit.
Interi në tabelën e Grupit K mbetet në kuotën e tre pikëve me një xhiro deri në fund. Mbi të janë Hapoel Beer Sheva dhe Southamptoni që kanë nga 7 pikë dhe Sparta Pragua që ka 12.
