13.7 C
Pristina
Thursday, March 28, 2024

Imazh i pazakontë, minarja shfaqet nga liqeni i ngrirë

Më të lexuarat

Minarja në mes të liqenit të ngrirë në Agri tashmë nëntë vite është një atraksion i madh turistik

 

AGRI (AA) – Minarja e cila ngritet në mes të liqenit në lindje të Turqisë është kthyer në një atraksion turistik, e cila në mënyrë të veçantë të tërheq vëmendjen e turistëve në dimër kur sipërfaqja e liqenit mbulohet me akull, raporton Anadolu Agency (AA).

Kjo është minarja e xhamisë që mbeti nën ujë pas mbushjes së digës Yazici në vitin 2009. Diga i shërben nevojave të hidrocentralit me të njëjtin emër, por edhe për ujitjen e më shumë se 25 mijë hektarëve të tokës bujqësore në Agri.

Së bashku me një pjesë të fshatit Bascavus, nën ujë mbeti edhe xhamia lokale kurse minarja vazhdon të qëndrojë drejtë në mes të liqenit.

Rreth 18 kilometra larg nga qendra e Agrit, minarja është bërë një atraksion i madh turistik i vizituar nga vendorët e zhvendosur të këtij fshati, por edhe nga turistët nga e gjithë Turqia dhe më gjerë.

Minarja në mes të një liqeni të ngrirë është një skenë që tërheq fotografët profesionistë dhe ata amatorë në kërkim të imazheve të pazakonta.

- Advertisement -spot_img

Më tepër

Të fundit