Imami i xhamisë së Drenasit, Osman Musliu, lidhur me peticionin për xhaminë që planifikohet të ndërtohet në ‘Dardani’ të Prishtinës ka thënë se ajo duhet të finalizohet, por pa Naim Tërnavën kryetar të Bashkisë.
‘Duhet me u maru veç Naim Tërnava mos me qenë kryetar i Bashkisë Islame.’, ka deklaruar ai në Info Magazine, transmeton Periskopi.
Musliu thotë se Tërnava qe 5 vjet ka bërë propagandë dhe xhamia nuk u nis ende.
Ndërsa lidhur me deklaratën e tij se ‘nëse nuk ipet leja, xhamia do të ndërtohet pa leje’, imami Musliu ka një përgjigje:
‘Nëse marohet pa leje, është haram, nuk është objekt islam. Ajo është nevojë. Nuk guxon myftija me thënë këtë fjalë, është fyerje për qytetarin.’, ka shtuar Musliu.
