8.2 C
Pristina
Friday, March 29, 2024

Hoxha nga Qabeja, me plotë porosi Bajrami për ju

Më të lexuarat

Hoxha Bekir Halimi, përmes llogarisë së tij në Tweetar ka shpërndarë disa porosi për nder të festës së Fitër Bajramit. Këto janë cicërimat nga llogaria e Hoxhë Bekir Halimit:

1- #Bajrami është festë ku shfaqen adhurime të llojllojshme, edhe japin kuptime shoqërore dhe psikologjike.

2- #Bajrami është festë që na e ripërtërinë gëzimin dhe na shton optimizmin.

3- #Bajrami është simbol Islam dhe festë, të cilat i kanë të gjithë popujt ku shfaqin gëzimin dhe harenë.

4- Muslimanët i kanë vetëm 3 festa; 2 vjetore: Fitër Bajramin dhe Kurban Bajramin dhe tjetra javore: dita e Xhuma.

5-#Bajrami është simbol dhe festë që duhet ngjallur, duhet kuptuar porositë e tij dhe mësuar synimet e tij.

6- #Bajrami si festë na mëson se ne skemi nevojë të shpikim festa tjera, por duhet të punojmë që secilit t’ia japim atë që e meriton.

7-#Bajrami është festë me të cilën njeriu i afrohet Allahut, kështu që edhe gëzimi e dëfrimi na shpërblehen.

8- #Bajrami i #Ramazanit vjen si kurorëzim i mundit dhe sakrificës që e kemi dhënë gjatë këtij muaji.

9- #Fitër #Bajrami ka veprën kryesore ndarjen e Sadakas së fitrit, e cila duhet të ndahet deri në namazin e Bajramit.

10- #Sadakatul-Fitri është ushqim për fukaratë dhe pastrim për agjëruesin.

11- Ndalohet kategorisht agjërimi i ditës së #Bajramit

12- Prej veçorive të natës dhe ditës së #Bajramit janë tekbiret.

13- Prej Suneteve të #Bajramit është stolisja, zbukurimi dhe parfymosja, duke veshur rroba të reja ose më të mirat që i ka njeriu.

14- Urimi i kësaj feste të #Bajramit me fjalë të zgjedhura dhe domethënëse, siç kanë bërë sahabet: Allahu i pranoftë prej nesh!

15- Namazi i #Bajramit është obligim dhe simbol i fesë. E ka falë Pejgamberi ﷺ çdo herë dhe halifët e tij.

16- Namazi i #Bajramit falet kur të ngritet dielli nga horizonti e deri sa të arrij në zenit.

17- Është Sunet të lahet e shpërlahet njeriu për namaz të #Bajramit.

18- Është Sunet ngrënia disa kokrra hurma para shkuarjes në xhami për Fitër #Bajram.

19- Assesi mos lejo me të ikë namazi i sabahut në këtë ditë të madhe të #Bajramit.

20- Është mirë të shkohet herët në xhami, sepse kështu kishin bërë sahabet.

21- Është Sunet të ngritet zëri gjatë thënies së tekbireve, rrugës për në xhami.

22- Është Sunet të shkohet në xhami ose musal-la për namaz të #Bajramit në këmbë dhe të ecet me dinjitet.

23- Është Sunet të shkohet në namaz të #Bajramit në një rrugë dhe të kthehet nga një rrugë tjetër.

24- Është Sunet që namazi i #Bajramit të falet jashtë objekteve, në lëndinë, musal-la.

25- Namazi i #Bajramit falet dy rekate dhe imami në këtë namaz këndon me zë.

26- Pejgamberi ﷺ në namazin e #Bajramit këndonte suren El-A’la dhe el-Gashije.

27- Për namazin e #Bajramit nuk thirret as ezan e as ikamet.

28- Fillimisht imami e fal namazin e #Bajramit e pastaj e mban Hutben.

29- Namazi i #Bajramit nuk ka Sunete as para e as mbrapa.

30- Për #Bajram është mirë të vizitohet familja, tu jepen dhurata dhe të manifestohet dashuria ndaj tyre.

31- Nuk është vepër e mirë vizita e varrezave për ditë të #Bajramit, sepse është ditë gëzimi dhe feste e jo ditë mërzie e pikëllimi.

32- Është mirë të shfaqet gëzimi dhe hareja për këtë ditë #Bajrami.

33- Është mirë që tu mundësohet familjes dhe fëmijëve të shtojnë gëzimin dhe argëtimin për ditë të #Bajramit.

34- Nuk është mirë fëmijët dhe të rriturit për #Bajramit të shqetësojnë tjerët me lodra fishekzjari sepse kjo i shqetëson dhe trishton ata.

- Advertisement -spot_img

Më tepër

Të fundit