20.9 C
Pristina
Friday, March 29, 2024

Holandë, të pajisesh me armë zjarri duhet të deklarosh racën dhe besimin…

Më të lexuarat

Qeveria holandeze po përballet me një stuhi protestash për shkak të planeve për të deklaruar edhe racën apo besimin fetar të njerëzve që kërkojnë të pajisen me një licencë për zotërim armësh zjarri.

Kërkesat, të pasqyruara në një projektligj që do të prezantohet në dhomën e ulët të Parlamentit holandez muajin e ardhshëm, do të detyrojnë gjithashtu shtetin të hartojë informacione mbi pikëpamjet politike dhe filozofike të aplikuesit.

Ndryshimet janë bërë për t’u pajtuar me direktivën më të ashpër europiane të zotërimit të armëve, pas një serie sulmesh terroriste në mbarë kontinentin e vjetër gjatë viteve të fundit.

Por kritikët, përfshi edhe aktivistë të të drejtave të privatësisë dhe pjesëtarë të të dy partive të koalicionit qeverisës në Holandë – CDA dhe D66, – thonë se kabineti propozues i legjislacionit ka shkuar përtej asaj që kërkohet nga BE-ja.

Monica den Boer, një deputete e partisë liberale D66, tha për gazetën vendase “De Volkskrant” se, “ne nuk duhet ta tejkalojmë limitin e privatësisë”.

“Sipas kërkesave minimale të direktivës europiane, kjo nuk është e nevojshme. Nuk mund të promovojmë diskriminimin dhe profilizimin etnik, ndaj këto detaje personale duhet të hiqen nga projektligji”, tha ajo.

Edhe Chris van Dam, deputet i “CDA”-së tha për gazetën se “nuk mundet ta imagjinojë një situatë që justifikon përfshirjen e këtyre detajeve në ligj”.

Objektivi i direktivës europiane, që duhet të përkthehet në ligj kombëtar brenda 15 shtatorit, është përmirësimi i gjurmueshmërisë së armëve të zjarrit brenda BE-së dhe lehtësimi i këmbimit të të dhënave automatike.

Komisioni Europian e propozoi reformën e direktivës për armët e zjarrit në nëntor të vitit 2015, pas sulmeve terroriste në Paris./tch

- Advertisement -spot_img

Më tepër

Të fundit