11 persona kanë ndërruar jetë në një tempull në Indi, pasi konsumuan oriz. BBC shkruan se sipas policisë, në spital u shtruan rreth 70-të persona. Një zyrtar i spitalit tha për mediat lokale se ushqimi mund të ketë qenë i helmuar. Incidenti ndodhi në tempullin Maramma në Chamarajanagar në shtetin jugor të Karnataka gjatë një ceremonie.
“Na u ofrua oriz me domate. Të gjithë ata që nuk e hëngrën janë mirë. Ata që e konsumuan patën të vjella dhe dhimbje barku”, tha për gazetarët një dëshmitar në ceremoni.
Qytetarët janë tronditur nga kjo ngjarje, mes të cilëve edhe ish-Kryeministri indian Deve Goëda, i cili shkroi në rrjetet sociale: “Familjet që kanë humbur të afërmit në këtë katastrofë duhet të gjejnë forcën dhe guximin për të përballuar dhimbjen”.
