Harta e coronavirusit – të gjitha vendet e prekura nga virusi vdekjeprurës që mori jetën e më shumë se 800 personave

0
104

Harta e coronavirusit – të gjitha vendet e prekura nga virusi vdekjeprurës që mori jetën e më shumë se 800 personave

Përhapja e coronavirusit ka infektuar më shumë se 37.400 njerëz në Azi, sipas deklaratave të zyrtarëve shëndetësorë.

Shumë raste të tjera dyshohen, por nuk janë konfirmuar ende. Që nga e shtuna në mbrëmje, të paktën 813 njerëz kanë vdekur, dhe shumica prej tyre në territorin e Kinës.

Siç tregojnë këto harta, sëmundja është zbuluar në të paktën 24 vende të tjera, ku përfshihen shumica e njerëzve që udhëtuan nga Kina, transmeton Telegrafi.

Dymbëdhjetë raste janë konfirmuar në Shtetet e Bashkuara, përfshirë një burrë 35-vjeçar në shtetin Uashington, një çift në të 60-tat e tyre në Chicikago dhe gjashtë persona në Kaliforni.

Përhapja besohet të ketë filluar në një treg me ushqime deti në Wuhan, një qytet me 11 milionë banorë në Kinën qendrore.

Virusi transmetohet me lehtësi nga një person në tjetrin, besojnë shkencëtarët. Por sa është vdekjeprurës virusi dhe nëse ai mund të përmbahet është i paqartë.

Çarë po bëhet për të përmbajtur shpërthimin?

Autoritetet kineze ndërmorën hapin e jashtëzakonshëm për mbylljen e Wuhan, duke anuluar aeroplanët dhe trenat, duke pezulluar autobusët, metrot dhe tragete brenda tij.

Deri në 24 janar, të paktën 12 qytete të tjera në provincën Hubei kishin lëshuar kufizime të udhëtimit, duke përfshirë Huanggang, shtëpinë e shtatë milionë njerëzve dhe Ezhou, një qytet me rreth një milion.

Një numër vendesh, duke përfshirë Shtetet e Bashkuara dhe Australinë, po kufizojnë udhëtimet për disa njerëz që udhëtuan kohët e fundit në Kinë, dhe disa linja ajrore të mëdha thanë që ata presin të ndalojnë shërbimin e drejtpërdrejtë në territorin e Kinës për muaj.

Mbyllja e kufijve ndaj patogjenëve shumë infektivë kurrë nuk arrin sukses, thanë ekspertët, sepse të gjitha kufijtë janë disi porozë. Sidoqoftë, mbylljet dhe kontrollimi i rreptë mund të ngadalësojnë përhapjen, e cila do të blejë kohë për zhvillimin e trajtimeve të ilaçeve dhe vaksinave.

Sa i madh mund të jetë shpërthimi?

Numri i vërtetë i rasteve është po thuajse me siguri shumë më i madh se numri që janë konfirmuar zyrtarisht nga testet laboratorike.

Mijëra njerëz në provincën Hubei, ku filloi shpërthimi, dyshohet se janë infektuar, por nuk janë diagnostikuar zyrtarisht. Mjekët atje thonë se ekziston një mungesë e kompleteve të testimit dhe furnizimeve të tjera mjekësore, dhe banorët thonë se është po thuajse e pamundur të marrësh kujdesin shëndetësor që u nevojitet për të trajtuar – apo edhe për të diagnostikuar coronavirusin.

Modele të ndryshme epidemiologjike vlerësojnë se numri real i rasteve është 100,000 ose edhe më shumë. Ekspertët kërkuan kujdes në interpretimin e këtyre vlerësimeve.

“Këto janë modele shumë të hershme që bëjnë disa supozime bazuar në ato prova që janë në dispozicion”, tha David Heymann, një epidemiolog në Shkollën e Higjienës dhe Mjekësisë në Londër.