Me finalen në Doha të Kupës së Emirit është përuruar dhe përfundimi i punimeve për përtëritjen e plotë të stadiumit Khalifa International.
Nga pjesëmarrësit në finalen mes dy ekipeve të Katarit, Al Sadd dhe Al Rayyan, ishte presidenti i FIFA-s, Gianni Infantino.
Stadiumin do ta inauguronte zyrtarisht shtetari numër një i Katarit, Emir Sheikh Tamim bin Hamad Al-Thani, që do ta deklaronte atë të gatshëm për Botërorin e 2022-shit.
Khalifa International është i pari stadium që përurohet pesë vite para turneut botëror të futbollit, e do të presë dhe kampionatin botëror të atletikës të vitit 2019.
Një terren sportiv i mrekullueshëm, ai është i tëri me ajër të kondicionuar. Në të temperatura është paraparë të qëndrojë në 26 gradë edhe nëse në mjedisin e jashtëm mund të arrijë 50 gradë gjatë verës. /tesheshi.com/
