Policia e Shtetit po zhvillon një operacion masiv për kapjen e autorëve të grabitjes së 3.2 milionë dollarëve të një banke të nivelit të dytë në rrugën e Rinasit. Operacioni masiv po zhvillohet nga ajri dhe toka ku janë angazhuar, forcat e RENEA-s, FNSH –s dhe Policia e Tiranës. Operacioni është duke u zhvilluar në zonën e Prezës dhe të Vorës. Deri më tani policia nuk ka mundur që të identifikojë apo arrestojë ndonjë prej grabitësve. Të vetmit persona që ranë në burg ishin punonjësit e sigurisë private, të cilët ditën e grabitjes po transportonin shumën e konsiderueshme të parave drejt Rinasit.
Të arrestuarit janë:
Fatmir Gapi, drejtues teknik
Xhelil Metaj, 43-vjeç punonjës SHPSF,
Gentian Dedja, 31-vjeç punonjës SHPSF,
Perparim Logu, 39-vjeç , punonjës SHPSF,
Endrit Daçi, 31-vjeç , shofer i shoqërisë,
Dashamir Balla, 42-vjeç shofer i shoqërisë.
Ngjarja në fjalë mbart shumë mister pasi në momentin që makinat e sigurisë private, që po transmetonin para kanë mbërritur në zonën e Qafë Kasharit, kamerat dhe GPS u fikën.
