Nga klubi katalunjas thonë se kanë arritur të gjejnë gruan me emrin Raquel të cilën e ftuan të vizitoje Nou Campin dhe të ndjekë një ndeshje të Barcelonës
MADRID (AA) – Një goditje e fortë e yllit argjentinas Lionel Messi që kishte përfunduar në tribunë gjatë ndeshjes së djeshme në kuadër të xhiros së 30-ë të ligës Primera në Spanjë mes Villarrealit dhe Barcelonës, ka thyer dorën e një tifozeje të Villarrealit, raporton Anadolu Agency (AA).
Tifozja në fjalë kishte tentuar të ndalë topin nga gjuajtja e fortë e Messit që ka rezultuar të jetë e dëmshme për të, pasi më vonë është konstatuar se gjatë kësaj përpjekjeje ajo ka thyer dorën.
Ekipi mjekësor i Barcelonës i kishte ofruar ndihmën e parë, ndërkohë që nga klubi katalunjas thonë se kishin arritur të gjejnë gruan me emrin Raquel të cilën në fund të ndeshjes e ftuan të vizitojë Nou Campin dhe të ndjekë një ndeshje të Barcelonës.
