Marouane Fellaini do të largohet nga Manchester United në fund të këtij sezoni, kur edhe skadon kontrata e tij. Ai tashmë ka arritur marrëveshje me skuadrën turke Besiktas, shkruan Fotomac. Belgut i ishte ofruar kontratë e re edhe nga United, por ai nuk është i kënaqur me hapësirën që ka në skuadrën e Jose Mourinhos. Fellaini në United ishte transferuar në verën e vitit 2013 nga skuadra e Evertonit.
