15.9 C
Pristina
Thursday, March 28, 2024

Erdogan: Turqia nuk do të respektojë sanksionet e Shteteve të Bashkuara kundër Iranit

Më të lexuarat

Presidenti turk, Rexhep Tajip Erdogan tha të martën se vendi i tij hedh poshtë sanksionet e Shteteve të Bashkuara kundër Iranit dhe nuk do t’i bindet atyre, njoftoi agjensia e lajmeve Anadolu, përcjell KohaIslame.

“Sanksionet e Shteteve të Bashkuara kundër Iranit janë të gabuara. Për ne, ato janë hapa që synojnë të çekuilibrojnë botën; ne nuk duam të jetojmë në një botë imperialiste “, u tha Erdogan gazetarëve në Ankara.

Presidenti turk theksoi se “sanksionet ndaj Iranit janë në kundërshtim me të drejtën dhe diplomacinë ndërkombëtare”.

Më parë gjatë ditës, Ministri i Jashtëm turk, Mevlud Çaushoglu tha se rivendosja e sanksioneve nga Shtetet e Bashkuara mbi Iranin janë të kota.

Sipas ministrit, sanksionet kundër Iranit nuk janë opsion i zgjuar.

Komentet e Turqisë vijnë një ditë pasi Uashingtoni ka ri-imponuar një paketë të re sanksionesh mbi Iranin që synon sektorin e naftës dhe të sektorit bankar të republikës.

Tetë vende, përfshirë Turqinë dhe Japonia janë përajshtuar nga sanksionet dhe lejohen të vazhdojnë blerjen e naftës iraniane./KohaIslame.com/

- Advertisement -spot_img

Më tepër

Të fundit