Ish kryeministri britanik, Tony Blair ka vizituar në mënyrë të heshtur Tiranën këtë të mërkurë, ku ka kryer disa takime.
Syri.net mëson se Blair, i njohur për shërbimet e piar-it ndaj kryeministrit Edi Rama, ka udhëtuar me çarter duke mbërritur në kryeqytetin shqiptar në ora 12.20 dhe është larguar sërish në ora 14.30.
Mësohet se Blair është shoqëruar nga pjesëtarë të gardës, për të shmangur ekspozimin e tij.
Vizita e fshehtë e Tony Blair vjen një ditë pas dështimit të negociatave për zgjidhjen e ngërçit politik, mes eurodeputetëve David McAllistar dhe Knut Fleckentasin me aktorët kryesorë të politikës shqiptare.
