Raportet thonë se komandanti i rrjetit militant të Hakanit, Badrudin Hakani, mund të jetë vrarë nga një sulm i telekomanduar i Shteteve të Bashkuara në Pakistan.
Të afërmit e tij i kanë thënë BBC-së se Badrudin Hakani ka vdekur të martën e kaluar në Vaziristanin Verior.
Megjithatë, një zëdhënës i talibanëve, Ihsanullah Ihsan, duke folur për Radio Mashalin, ka mohuar vdekjen e tij.
Vdekja nuk është konfirmuar as nga Shtetet e Bashkuara, as nga Pakistani.
Në një tjetër zhvillim, sulmet e NATO-s kanë vrarë një komandant rajonal të talibanëve pakistanezë brenda Afganistanit.
Mullah Dadullah është vrarë së bashku me dhjetëra kryengritës të tjerë në provincën Kunar./rel
