Një sasi e konsiderueshme droge është kapur mbrëmjen e djeshme nga policia greke në zonën e Kosturit.
Siç bën të ditur media, dy shqiptarë të moshave 34 dhe 42 vjeç janë vënë në pranga nga policia, ndërsa kanë kapur edhe një mushkë të mbushur me çanta ku kishte kanabis sativa.
Policia ka bërë të ditur se përveç dy të arrestuarve kanë qenë edhe dy shqiptarë të tjerë, 30 dhe 60 vjeç të cilët janë larguar.
Policia thotë se dy shqiptarët e ndaluar kanë pasur 2 çanta në shpinë, të mbushura po me kanabis. Ata janë arrestuar në zonën pyjore të Kosturit.
