15.9 C
Pristina
Thursday, March 28, 2024

Deputetja Labinotë Demi – Murtezi nuk e jep votën për demokracionin

Më të lexuarat

Sipas saj Kosova dhe Mali i Zi duhet ta rishikojnë me kujdes dhe përgjegjësi më të lartë demarkimin e kufirit.

Deputetja e Partisë së Drejtësisë, e cila bën pjesë në grupin Parlamentar të PDK-së, Labinotë Demi-Murtezi ka bërë të ditur se nuk do të votojë demarkacionin aktual me Malin e Zi.

Sipas saj Kosova dhe Mali i Zi duhet ta rishikojnë me kujdes dhe përgjegjësi më të lartë demarkimin e kufirit, transmeton Indeksonline.

Më poshtë mund ta gjeni postimin e plotë të deputetes Labinotë Demi-Murtezi

Të dashur qytetarë,

Pas disa lajmeve të lexuara në portalet tona se votën time për çështjen e demarkacionit do t’ia besoj grupit parlamentar, po jap nje sqarim për ju.

Vota e secilit deputet e ka peshën e vet. Një vendim i rëndësisë së veçantë siç është demarkacioni me Malin e Zi, është përgjegjësi e madhe individuale e jona, karshi votuesve tanë por mbi të gjitha integritetit të vendit tonë. Unë si deputete dhe Partia e Drejtësisë, kemi dënuar aktet e dhunshme në Kuvend dhe sjelljet jodemokratike, ashtu siç në të njëjtën kohë kemi përcjellur me vëmendje të gjitha diskutimet dhe debatin shkencor në Kuvend lidhur me këtë çështje.

Komisioni shtetëror i ngarkuar për këtë çështje, nuk është përgjigjur në disa prej pyetjeve që u janë drejtuar pikërisht nga deputetët, e që kanë qenë pyetje krruciale sa i përket çështjes. Ka pasur shumë vërejtje sa i përket bazës ligjore për procesin e demarkimit, shumë kundërargumente të ofruara nga komisioni profesional, mosrespektimi i procedurave të konsultimit me Kuvendin para se të nënshkruhet, dhe mbi këtë bazë them se kjo formë e demarkacionit nuk duhet të votohet.

Konsideroj se në emër të fqinjësisë së mirë, Kosova dhe Mali i Zi duhet ta rishikojnë me kujdes dhe përgjegjësi më të lartë demarkimin e kufirit tonë të përbashkët.

- Advertisement -spot_img

Më tepër

Të fundit