8 C
Pristina
Tuesday, March 19, 2024

BBC: Ëndërrimtarët e Ushtrisë së Kosovës inatosin Serbinë fqinje

Më të lexuarat

Në një shkrim kushtuar transformimit të FSK-së në Ushtri, mediumi prestigjioz, BBC, ka shkruar se rrugëtimi euro-atlantik i Kosovës ka “rrëshqitur” paksa.

Së pari, sipas këtij mediumi, vendosja e një tarife prej 100% për importet nga Serbia fqinje. Dhe tani deputetët e saj janë të vendosur të votojnë për ngritjen e një ushtrie.

Dhe sipas BBC, të dyja këto masa janë në kundërshtim me paralajmërimet, kërcënimet dhe lutjet nga Bashkimi Evropian dhe NATO.

“Votimi i ushtrisë i së premtes do të kthejë një forcë të lehtë të reagimit emergjent prej 4,000 trupash në një ushtri profesionale të Kosovës”.

“Kjo në një territor të mbrojtur nga 4,000 trupa të NATO-s që nga koha kur forcat serbe u tërhoqën në vitin 1999”.

Në këtë drejtim, BBC shkruan se kryeministrja e Serbisë, Ana Brnabiç, është aq e inatosur nga votimi që ka folur edhe për një përgjigje ushtarake. Presidenti i saj ka kërkuar mbështetje nga Rusia dhe Kina.

Mediumi në fjalë thotë se situata është krejt e ndryshme, nga rreth tre muaj më parë, kur bisedimet kishin në vëmendje shkëmbimin e territoreve mes Serbisë dhe Kosovës.

Një gjë e tillë, sipas BBC, është një largim nga statusi i Kosovës, i projektuar nga fuqitë perëndimore.

“Në Kosovë gjenden disa misione të Bashkimit Evropian, gjithashtu është edhe KFOR-i. Ky shtet përfiton shumë nga ndihma ndërkombëtare”.

Pra, ka pasur një element të “kafshimit të dorës” që ka ushqyer Kosovën për pothuajse dy dekada, kur kryeministri Ramush Haradinaj akuzoi shefen e politikës së jashtme të BE, Federica Mogherini për “mbytjen” e bisedimeve.

“Ajo ka transformuar dialogun mbi normalizimin në një dialog në territore, gjë që ka shkaktuar dëm në rajonin tonë”, tha ai.

Shpërthimi i tij ishte për çdo shkëmbim territori të supozuar, të cilin Haradinaj e kundërshton ashpër dhe më shumë një përgjigje ndaj qortimeve të përsëritura të Bashkimit Europian lidhur me imponimin e njëanshëm të taksave të Kosovës mbi importet serbe dhe boshnjake.

“[Kjo] definitivisht shkon kundër frymës dhe letrës së bashkëpunimit në rajon”, tha zonja Mogherini të hënën. “Unë do të prisja që qeveria e Kosovës ta revokojë këtë vendim, por unë ende jam i bindur se të dyja palët mund të vazhdojnë me sukses dialogun”.

“Jam shumë i shqetësuar për marrëdhëniet mes Serbisë dhe Kosovës sesa kam qenë për një kohë të gjatë”, thotë James Ker-Lindsay, një specialist i Ballkanit në Shkollën Ekonomike të Londrës.

“Dialogu nuk ka qenë i mirë për disa vite, por ka pasur një ekuilibër të caktuar. Kjo është ndryshuar dhe është shumë e vështirë për të parë se kah po shkon”.

Vendosmëria e Kosovës për ta kthyer forcën e saj të armatosur lehtë në një ushtri i ka bërë gjërat vetëm më keq.

Sekretari i Përgjithshëm i NATO-s, Jens Stoltenberg, i cilësoi planet e saja jo në kohë të duhur dhe paralajmëroi për “pasoja serioze për integrimin e ardhshëm euroatlantik të Kosovës”.

BBC thekson se ekziston frustrimi i konsiderueshëm në Prishtinë se BE nuk ka ndjekur me një angazhim për të lejuar qytetarët e Kosovës të udhëtojnë pa viza në zonën pa kufij Schengen të bllokut.

Dhjetë vjet nga shpallja e saj e pavarësisë, Kosovës ende i mungojnë shumë prej elementeve të shtetësisë – siç është ushtria.

Por, James Ker-Lindsay beson se “nxjerrja jashtë” do të rezultojë kundërproduktive për Kosovën.

“Kjo nuk është mënyra për të punuar me BE-në. Ju nuk filloni t’i sfidoni ata dhe të jeni konfrontues”, paralajmëron ai.

- Advertisement -spot_img

Më tepër

Të fundit