Për Bashkësinë Islame të Kosovës, kualifikimi direkt i kombëtares shqiptare për Kampionatin evropian të futbollit “France 2016” është ngjarje e veçantë dhe moment historik.
“Sonte djemtë kuqezi bënë realitet ëndrrën e kamotshme të sportdashësve tanë, shkruan historinë, arritën atë që moti e kemi pritur, kualifikimin për Kampionatin Evropian”, shkruhet në urimin e BIK-ut.
“Përgëzoj djelmoshat tanë, përgëzoj udhëheqësit e drejtuesit e kombëtares si dhe uroj nga zemra të gjithë shqiptarët kudo për këtë rezultat të arritur duke ju dëshiruar suksese edhe më të mëdha në arenën ndërkombëtare.
Gjithherë në mbështetje e përkrahje të kombëtares”, thuhet në fund të njoftimit.
