4 vjet pas nisjes së luftës, ja si janë sot periferitë e Damaskut (VIDEO)

0
104

Pamjet në videon e mëposhtme janë kapur nga droni mbi qytetin Jobar, periferi e Damaskut. Dikur një zonë shumë e populluar, tashmë Jobari është kthyer në një qytet fantazmë. Zona është epiqendra e luftimeve të rebelëve islamikë, të cilët e kanë nën kontroll.

Luftimet e forcave qeveritare me rebelët e kanë detyruar popullsinë e Jobarit të largohet drejt Ghouta-s.

Para se të niste konflikti në vitin 2011, ky qytet banohej nga 300 000 njerëz, shumica e të cilëve myslimanë sunitë. Aty ndodhen shumë vepra me rëndësi historike, mes të cilave Sinagoga Jeshile, e cila është sinagoga hebreje më e vjetër në botë. Aty ndodhet edhe Xhamia e Madhe e Jobarit dhe varri i Profetit Elijah.

Rebelët e konsiderojnë Jobarin si fortesën e tyre. Për shkak të bombardimeve, ata lëvizin kryesisht nëpërmjet tuneleve nëntokësore.

Kjo zonë ka një rëndësi të madhe strategjike, pasi ndodhet në kryqëzim të rrugës që të çon në qendër të kryeqytetit sirian. Vënia nën kontroll e Jobarit do t’i jepte qeverisë së Asadit mundësinë për të lëvizur lirshëm drejt zonave të tjera që kontrollohen nga rebelët.