Tre persona janë plagosur gjatë shpërthimit të një shok-bombe mbrëmë në qendër të Stambollit, raporton Anadolu Agency (AA).

Incidenti ka ndodhur afër mbikalimit në rrugën Mecidiyekoy Yolu e cila përmes lagjes Sisli shpie në autostradën D100.

Të plagosurit janë dërguar në spital, ndërsa rruga është rihapur për qarkullimin.

Shok-bombat nuk janë vdekjeprurëse, por përdoren që përmes dritës dhe zërit të lartë që lëshojnë të shkaktojnë çorientim.